Watt

Le watt (symbolo: W) es un unitate derivate de potentia in le Systema International de Unitates (SI), nominate pro le ingeniero scotese James Watt (1736–1819). Le unitate, definite como 1 joule per secunda, mesura le rata de conversion de energia.

In le terminos de mechanica classic, un watt es le rata al qual trevalio es expendite quando le velocitate de un objecto es tenite constante a 1 metro per secunda contra un fortia constante e opponente de 1 newton.

${\displaystyle \mathrm {W={\frac {J}{s}}={\frac {N\cdot m}{s}}={\frac {kg\cdot m^{2}}{s^{3}}}} }$

In le terminos de electromagnetismo, un watt es le rata al qual travalio es expendite quando 1 ampere (A) de currente flue per un differentia potential electric de 1 volt (V).

${\displaystyle \mathrm {W=V\cdot A} }$

Duo additional conversiones de unitates pro watt pote esser trovate per usar le equation supra e le lege de Ohm.

${\displaystyle \mathrm {W={\frac {V^{2}}{\Omega }}=A^{2}\cdot \Omega } }$

ubi ohm (${\displaystyle \Omega }$) es le unitate derivate del SI de resistentia electric.

• Conversion de unitates
• Energia
• Ordines de magnitude
• Potentia (physica)
• Systema International de Unitates
• Volt-ampere

Iste pagina contine material traducite ab Wikipedia in anglese. Le articulo original se trova in le version 437845082 de en:Watt, e es usate secundo le mandatos del licentia de Wikipedia.

Pecietta de physica

Iste articulo es ancora in stato embryonic: illo es un pecietta. Nos te invita cordialmente a completar lo pro meliorar Wikipedia in interlingua.