Tundan tonggacha
| Tundan tonggacha | |
|---|---|
| Rejissyor(lar) |
Jahongir Ahmedov Goʻzal Yusupova |
| Prodyuser(lar) |
Mirzohid Rahimov Qudratilla Fayzullayev |
| Ssenariynavis(lar) | Jahongir Ahmedov |
| Rollarda |
Alisher Uzoqov Shahzoda Muhammedova Muhammadiso Abdulxairov Jumadulla Rametov Shohida Uzoqova |
| Bastakor(lar) | Doniyor Agzamov |
| Kinematografiya |
Davr Koʻzgu Films |
| Chiqarilgan sanasi | 2010-yil |
| Davomiyligi | 90 daqiqa |
| Mamlakat |
 Oʻzbekiston |
| Til | Oʻzbekcha |
| Keyingi film | Tundan tonggacha 2 |
Tundan tonggacha (ruscha: „От заката до рассвета“) — 2010-yilda Jahongir Ahmedov rejissyorli va ssenariysi asosida suratga olingan oʻzbek komediya filmi[1]. Filmda bosh rollarni Alisher Uzoqov, Shahzoda Muhammedova, Muhammadiso Abdulxairov, Lola Eltoyeva, Jumadulla Rametov, Shohida Uzoqova, Umid Shodmonov, Alisher Otaboyev va Rixsivoy Aliyev kabi aktyorlar ijro etgan[2][3].
Syujet
Umid va Zilola uchrashuvga chiqishadi va oila qurishadi. Bir qancha vaqt oʻtganidan keyin Zilola homilador boʻlib, kechasi tush koʻradi va eri Umidga banan yeyishni xohlayotganini aytadi. Umid rafiqasiga banan olish uchun oshxonaga boradi, lekin muzlatkichdagi soʻngi bananni otasi yeb qoʻyadi. Umid banan qidirib, tunda doʻkonga boradi. Afsuski tunda doʻkonlar yopiq boʻladi va ichki ishlar hodimi uni oʻgʻri deb tutib, ichki ishlar idoraga olib boradi. U yerda Umid boʻlgan voqealarni aytib beradi. Bu voqealarni eshitib, ichki ishlar hodimi ham oʻzining hayotida boʻlgan Umidning voqeasiga oʻxshash voqeani aytib berib, Umidga banan beradi va qoʻyib yuboradi.
Bananni olgan Umid yoʻlda yigʻlayotgan Shahlo ismli ayolga duch keladi va unga yordam berish uchun ayolning uyiga kiradi. Shahlo Umidni yoʻldan ozdirishga harakat qilayotganda birdan uning eri kelib qoladi. Umid shkafga berkinadi, Shahlo esa eri bilan firibgarlik qilib, uning pullarini va bananini olib qoladi.
Umid u yerdan bir amallab qochib, bir yigitning sevgan qiziga banan va shokolad olib kelganini koʻrib qoladi va uni aldab bananni olib qoʻyadi. Undan soʻng yoʻlda ketayotib, bir ayolning duo qilayotganini eshitib qoladi. Shu payt esa ayolning eri buni koʻrib qolib, unga kalla qoʻyadi. Umid hushidan ketib qoladi va ayolning eri uni boylab, bananini yeb qoʻyadi. Umid hushiga kelib, oʻgʻri emasligini, duoni toʻsatdan eshitib qolganini, rafiqasiga banan olib ketayotganini aytadi. Ular haqiqatni bilgach unga banan berib, uyiga kuzatib qoʻyishadi.
Bu vaqtda Umidning otasi va qaynotasi mast holatda uni izlash bilan ovora boʻladi; onasi va qaynonasi janjallashib qolishadi, rafiqasi Zilola esa tugʻruqxonaga ketgan boʻladi. Umid uyga kelib, otasi va qaynotasi bilan tugʻruqxonaga boradi. U yerda hamma toʻplanganda, hamshiralar ularga bola tugʻilganini aytadi.
Rollarda
Bosh rollarda
- Alisher Uzoqov — Umidjon rolida;[4]
- Shahzoda Muhammedova — Zilola rolida;[5]
- Jumadulla Rametov — Ravshan aka, Umidjonni otasi;
- Shohida Uzoqova — Holida, Umidjonni onasi;
- Muhammadiso Abdulxairov — Zilolaning otasi;
- Lola Eltoyeva — Nodira, Zilolaning onasi;
- Umid Shodmonov
- Alisher Otaboyev — militsiya inspektori;
- Rixsivoy Aliyev — mafyoz;
Epizodlari
- Sayfiddin Meliyev — Shahloning eri, firibgar;
- Shahlo Karimova — Shahlo, firibgar ayol;
- Asqar Hikmatov — oshiq yigit;[6]
- Nigina Akbarova — Gulnoz rolida;
- Nodirbek Rasulov
- Munojot Olimboyeva — befarzand ayol;
- Imomnazar Sayfiyev
- Doniyor Ahmedov
- Shukur Usmonov
- Hamidulla Saydullayev
- Mirzohid Rahimov
Manbalar
- ↑ IMDb. „Tundan tonggacha“. Qaraldi: 2024-yil 9-iyul.
- ↑ Daryo.uz. „Jahongir Xo‘jayev “Tundan tonggacha” filmi voqeasidan ruxsatsiz foydalangani uchun Jahongir Ahmedovdan uzr so‘radi (video)“ (13-sentyabr 2021-yil). Qaraldi: 9-iyul 2024-yil.
- ↑ „C НОЧИ ДО РАССВЕТА (2010)“. Qaraldi: 2024-yil 9-iyul.
- ↑ Daryo.uz. „Alisher Uzoqov 38 yoshda: Otasining o‘limidan so‘ng akasini topgan, 10 yil “prava”siz mashina haydagan aktyor va xonandaning hayot yo‘li haqida (foto)“ (2022-yil 25-avgust). Qaraldi: 2024-yil 9-iyul.
- ↑ Daryo.uz. „Otasiz o‘sgan tortinchoq qizchadan muvaffaqiyatli biznesvumenlikkacha: Shahzoda Muhammedova 32 yoshni qarshiladi (foto)“ (2023-yil 18-aprel). Qaraldi: 2024-yil 9-iyul.
- ↑ Daryo.uz. „“To‘yim kuni yo‘qolib qolganmiz” — tasodifan aktyor bo‘lgan, ustozining filmidan tanilgan va vaynerlikda omadi kelgan Asqar Hikmatov 36 yoshda (foto, video)“ (2021-yil 21-dekabr). Qaraldi: 2024-yil 9-iyul.