Ang Lungsod ng Maynila (Opisyal: City of Manila), kilala bilang Maynila, ay ang kabiserang lungsod ng Pilipinas na isa sa 17 lungsod at munisipalidad na bumubuo ng Kalakhang Maynila. Matatagpuan ang lungsod sa baybayin ng Look ng Maynila na nasa kanlurang bahagi ng pambansang punong rehiyon na matatagpuan sa kanlurang bahagi ng Luzon, isa ito sa mga sentro ng negosyo ng umuunlad na kalakhang pook na tinitirahan ng humigit sa 19 na milyong katao. Ang Maynila, na sumasakop ng 38.55 na kuwadrado ng kilometro, ay ang pangalawang pinakamalaking lungsod ng Pilipinas, na may humigit-kumulang na 1.6 milyong kataong naninirahan. Pero ang kalapit na lungsod, ang Lungsod Quezon, ang dating kabisera ng bansa, ay mas matao. Ang kalakhang pook ay ang pangalawang pinakamalaki sa Timog-silangang Asya. Ang Maynila ay may 900 na kilometro ang layo mula sa Hongkong, 2,400 na kilometro ang layo mula sa Singgapur at mas marami ng 2,100 na kilometro ang layo sa hilagang-silangan mula sa Kuala Lumpur. Ang Ilog Pasig ang humahati sa lungsod ng dalawa. Sa depositong alubyal ng Ilog Pasig at Look ng Maynila nakapwesto ang nakakaraming sinasakupan ng lungsod na gawa mula sa tubig.

• Naging ganap na bagyo na si Carina habang sumasailalim pa rin ang ilang bahagi ng Hilagang Luzon sa Hudyat Blg. 1 (o Signal No. 1).
• Isinagawa ng Pangulo ng Pilipinas na si Bongbong Marcos ang kanyang ikatlong Talumpati sa Kalagayan ng Bansa sa pinagsamang sesyon ng Kongreso sa Batasang Pambansa (nakalarawan ang Bulwagang Sesyon ng Batasang Pambansa).
• Inanunsyo ng kasalukuyang Pangulo ng Estados Unidos na si Joe Biden na hindi na siya tatakbo sa ikalawang termino bilang pangulo at tinapos ang kanyang kampanyang pampanguluhan, habang iniendorso si Pangalawang Pangulo Kamala Harris bilang kandidato ng Partido Demokrata.
• Ipinahayag ng Pilipinas ang isang kasunduan sa Tsina sa mga misyong muling pagtustos sa sinadsad na sasakayang hukbong-dagat na Sierra Madre sa Buhanginan ng Ayungin sa Karagatang Kanlurang Pilipinas kasunod ng isang insidente noong Hunyo.
• Maraming mga organisasyon sa buong mundo ang nakaranas ng pagkagambala sa serbisyo dahil sa may depektong pagbabago ng CrowdStrike na nagresulta sa mga blue screen of death sa mga kompyuter na may Microsoft Windows.
• Nasugatan ang dating Pangulo ng Estados Unidos at kasalukuyang kandidato sa pagkapangulo na si Donald Trump sa isang tangkang pagpatay sa isang pagtipun-tipuning kampanya sa Kondehan ng Butler County, Pennsylvania, Estados Unidos, na naiulat nang maglaon na "mabuti" ang kanyang kalagayan ng isang tagapagsalita.

Si Sally Kristen Ride (Mayo 26, 1951 – Hulyo 23, 2012) ay isang Amerikanong astronauta at pisiko. Ipinanganak sa Los Angeles, sumali siya sa NASA noong 1978, at noong 1983 naging unang babaeng Amerikano at pangatlong babae na lumipad sa kalawakan, pagkatapos ng mga kosmonauta na sina Valentina Tereshkova noong 1963 at Svetlana Savitskaya noong 1982. Siya ang pinakabatang Amerikanong astronauta na lumipad sa kalawakan, na nagawa ito sa edad na 32.

May-akda ng larawan: NASA

• ...na nagsampa ng petisyon si Solisitor Heneral Menardo Guevarra para kanselahin ang sertipiko ng kapanganakan ni Alice Guo, alkalde ng Bamban, Tarlac, na inisyu ng Pangasiwaan ng Estadistika ng Pilipinas, kasunod ng mga pagdududa sa kanyang pinagmulan at pagkamamamayan?
• ...na nakabuo ang OpenAI, ang may gawa ng ChatGPT, ng ilang malalaking modelo ng wika na nailabas sa mga open source na modelo dati?
• ... na unang inilagak ang labi ni Jose Rizal sa Liwasang Paco bago ito nailipat sa bahay ng kapatid niyang si Narcisa at kalaunan, sa Liwasang Rizal?
• ... na maaring makuha ang langis ng niyog sa dalawang uri ng proseso: basa o tuyo?
• ... na nakakahawa ang pagtawa, (nakalarawan ang batang tumatawa) at maaaring magdulot ang pagtawa ng isang tao ng pagtawa mula sa iba bilang positibong tugon?

• 306 — Namatay si Constantius Chlorus, Emperador ng Roma.
• 306 — Ipinahayag na Emperador ng Imperyong Romano si Constantino I ng kanyang mga hukbo.
• 1567 — Itinatag ni Don Diego de Losada ang lungsod ng Santiago de Leon de Caracas, kasalukuyang Caracas, ang kabiserang lungsod ng Beneswela.
• 1920 — Sinakop ng Pransiya ang Damascus.

Mga huling araw: Hulyo 24 — Hulyo 23 — Hulyo 22