Օրվա բառ

փռվել

վանկեր՝ փ(ը)ռ•վել 

1. փռել բայի կրավորականն ու չեզոքը ◆ Գետնին փռված ծաղկանկար գորգի վրա... ննջում էր վեհ անդորրությամբ չքնաղ եղնիկը շահի: (Գարեգին Սևունց)
2. մեկնվել, վայր ընկնել (գետնին, մահճակալի՝ բազմոցի և այլնի վրա) ◆ Կինը... իներցիայով առաջ վազեց մի քանի քայլ էլ և փռվեց գետնին երեսի վրա: (Նար-Դոս)
3. (փխբ․) տարածվել, ձգվել ◆ Աստղերի և լուսնի տակ փռվել էր Արարատյան դաշտը: (Ակսել Բակունց) ◆ Փռվում է դեմս իսկույն մի փողոց խաղաղ ու փողոցի անկյունում մի վտիտ տղա: Եղիշե Չարենց
4. շաղ գալ, ցրվել ◆ Նրա խիտ և երկայն մազերը փռվեցին և ծածկեցին ամբողջ կազմվածքը ամեն կողմից: (Ղազարոս Աղայան)
5. օդի միջոցով տարածվել՝ սփռվել ◆ Քառասուն-հիսուն կրծքից բխած՝ այս հուժկու, բազմահնչուն և միահամուռ ձայնը, որ ինքնին հայոց լեզուն է, Երասխի շառաչի հետ փռվելով Արարատյան աշխարհի վրա՝ թվում էր, թե սլանում է ազատ-Մասիսն ի վեր: (Ավետիք Իսահակյան)
6. մեկնվել ◆ Ղուկաս էֆենտի իր թիկնաթոռին մեջ փռված... կդիտեր այս տողանցությունը: «Երևանյան օրեր»
7. ընկնել, սպանվել ◆ Եվ թշնամու զինվորները փռվում էին գետնին: (Գեղամ Սարյան)
8. (փխբ․) ծավալվել, ուռճանալ, մեծանալ ◆ Եվ վարդագույնը մի մշուշի նման նրա հոգում փռվում էր մի անեզրական կարոտ: Եղիշե Չարենց
9. (փխբ․) ձգվել, երկարությամբ տարածվել՝ բացվել
10. (փխբ․) տարածվել, հռչակվել ◆ Քաղաքի մեջ լուր փռվեցավ: Ռափայել Պատկանյան
11. շաղ գալ, սփռվել, ցրվել, ցողվել

1. մեկնվել, պառկել, ընկողմանել, (փխբ․), տարածվել, երկարվել, երկննալ (արևմտհ․), տախտապարվել (գետնին), (գվռ․)՝ լենքվել, լարխել, փռկվել
2. տե՛ս պատել
3. տե՛ս ծավալվել

շարունակել․․․

  Նախագծի մասին

Բարի գալուստ Հայերեն Վիքիբառարան՝ համագործակցային նախագիծ, որտեղ ստեղծվում է ազատ բովանդակությամբ բազմալեզու բառարան։ Նպատակն է սահմանել բոլոր լեզուների բոլոր բառերի բացատրությունները հայերենով։

Վիքիբառարանում ներառված են նաև բառերի ձայնային տվյալները։ Մեր նպատակն է տալ բառի ոչ միայն բացատրությունը, այլև բավականաչափ տեղեկատվություն, որ տվյալ բառն իսկապես հասկանալի դառնա։ Այդ իսկ պատճառով մենք գրում ենք նաև բառի ստուգաբանությունը, արտասանությունը, քաղվածքներ տարբեր ստեղծագործություններից, հոմանիշները և թարգմանությունները։ Վիքիբառարանը կարող է խմբագրել յուրաքանչյուր ոք․ նրա բովանդակությունը թողարկվում է Creative Commons Attribution-ShareAlike 3.0 Unported License և GNU Free Documentation License արտոնագրի ներքո։ Փորձարկումներ կարող ես անել քո ավազարկղում։ Այցելիր նաև մեր Խորհրդարան՝ տեսնելու, թե ինչպես կարող ես մասնակցել Վիքիբառարանի զարգացմանը։

Հոդվածները այստեղ գրվում են բացառապես Հայերեն։ Հոդվածներ այլ լեզուներով կարող եք գտնել այլ լեզուներով Վիքիբառարաններում:

  Կրթական ծրագիր

Ակումբներ

Լեռնապատի վիքիակումբ • Արևածագի վիքիակումբ • Հացիկի վիքիակումբ • Մրգավանի աշխատասեղան • Արտաշատի աշխատասեղան • Գյումրու վիքիակումբ (Խրիմյան Հայրիկ 46) • Գյումրու վիքիակումբ (Շահումյան 69) • Ստեփանակերտի վիքիակումբ • Չարենցավանի աշխատասեղան • Դդմաշենի վիքիակումբ • Ուրասարի աշխատասեղան • Քարվաճառի վիքիակումբ • Վանաշենի վիքիակումբ • Տողի վիքիակումբ • Սպիտակի վիքիակումբ • Ալավերդու վիքիակումբ • Վարդենիկի վիքիակումբ • Գորիսի վիքիակումբ • Կողբի վիքիակումբ

Դպրոցներ

Այբ դպրոց • Գագիկ Ստեփանյանի անվան թիվ 135 հիմնական դպրոց • Երևանի Գ․ Գյուլբենկյանի անվան հ․ 190 ավագ դպրոց

Ընդհանուր վիճակագրություն • Առաջարկվող ցանկ